Libri i parë modern në shqip për lulet

Për adhurues dhe kultivues të luleve

Kam kënaqësinë që në këtë faqe t’ua prezentoj librin tim të parë në këtë formë në hapësirën mbarëshqiptare.

Libri "Lulet zbukuruese shumëvjeçare të kopshtit" është fryt i punës sime pesëvjeçare. 

Në Panairin e Librit në Prishtinë, nga 20-25 maj, ky libër ishte befasia më e këndshme, ku u prit dhe vlerësua jashtëzakonisht mirë. Gjithashtu, edhe ishte nga më të shiturit në panair. 

Përgaditja e lartë teknike, cilësia nga më e mira e letrës, fotografitë dhe dizajni modern, e mbi të gjitha përshkrimi i luleve sa i bollshëm, aq edhe i kapshëm për të gjithë, e bëjnë këtë libër të përdorshëm për të gjithë. 

Në këtë faqe unë do të mundohem t’ju ofroj me shkrim, fotografi dhe audio diçka nga ky libër dhe jehonën e tij tek lexuesit dhe mediat, ku edhe do të ketë aktualizim të herëpashershëm të faqes. 

Interesimi Juaj, pyetjet, vlerësimet, e pse jo edhe vërejtjet eventuale janë të mirëseardhura.

Me respekt

H. Sedolli